Sunday, 8 January 2017

Dubai Trip: Miracle Garden, Butterfly Garden, Em Sherif & Garden Glowرحلة دبي: حديقة الفراشات، حديقة الورد، مطعم إم شريف، حديقة الأضواء

رابع يوم قررنا نريح شوي من الملاهي ورحنا حديقة الورد Miracle Garden وحديقة الفراشات Butterfly Garden. رحنا الصبح وماكان زحمة على التذاكر. حديقة الورد ماشاالله كأنها جنة وفي أكشاك مطاعم هناك لاتطوفون عصير العنب الفريش.













 عقبها رحنا حديقة الفراشات ثنتينهم يم بعض واليهال وايد استانسوا. الحديقة عبارة عن غرف. أول غرفة لوحات مصنوعة من الفراشات وبعدها تقريبا 3 غرف وكل غرفة فيها أنواع مختلفة من الفراشات.



















دورة حياة الفراشة

خلصنا الحديقتين بسرعة فقررنا نتمشى عند برج خليفة بس حسافة طلعت النافورة ماتشتغل إلا المغرب عالساعة 6.





 تغدينا في مطعم إم شريف مكانه في فندق ذا أدرس ويطل عالبحيرة. ويفظل إنكم تحجزون طاولة خاصة إذا بتروحون بالوقت اللي النافورة شغالة. طريقته سيت منيو ماتختارون الأطباق اهم ينزلون كل الأطباق اللي عندهم.



 القعده والديكورات وايد حلوة داخل المطعم والمقبلات وايد لذيذة بس المشاوي كانت نوعين بس وجدا عادية والحلو عادي.




يم مطعم إم شريف راح تلقون كافيه ومحل فروتنم اند ميسون اللي موجود في لندن. أحب المربى والشاي والبسكوت اللي عندهم







عقبها زهقوا اليهال ورجعنا الفندق بساللي مامعاه يهال يقدر يصعد برج خليفة وعقبها يستمتع بأجواء النافورة.

عقب مالريحنا شجعت اليهال نروح حديقة الأضواء Glow Garden كانت زحمة واليهال ماحبوها وايد فإذا عندكم وقت فاضي روحولها بس لاتتعنون عشانها.









وللعشا قررنا نرجع بوكس بارك ونجرب اوبريشن فلافل. ماعجبتنا الشاورما عندهم لا الدياي ولا اللحم بس الفلافل المحشية عجيبة.




No comments:

Post a Comment