Wednesday, 4 January 2017

Dubai Trip: Legoland & BoxPark رحلة دبي: ليغولاند + بوكس بارك

اليوم الثالث رحنا مدينة ملاهي ليغو تناسب الكل بس اللي أعمارهم أقل من 4 سنين لهم ألعاب محدودة مثل ساحة العاب التسلق وقطار صغير. شرينا التذاكر والفاست تراك أونلاين عشان لاننطر بالزحمة. التذاكر تقدرون تشترونهم من موقع Legoland  أو من موقع Dubai Parks and Resorts لأنها تعتبر جزء من منها. في باكج للثلاث مدن ملاهي اللي تابعة لدبي باركس (ليغولاند + بوليوود + موشنغيت) يكون سعره مخفض بس احنا ما أخذناه لأن ماكنا ناوين نروح مدينة ملاهي بوليوود. مدخل دبي باركس يوديكم الملاهي الثلاث وفيه منطقة مطاعم تقدرون تتمشون فيها بدون تذاكر اسمها ريفرلاند وفيها فندق لوبيتا بعده مو خالص. في نوعين مصافط VIP  تكون قريبة من المدخل وأفضل إذا معاكم عربانة ياهل ومصافط الزوار تكون بعيد بس فيها باص وقطار ينقلونكم لي المدخل.

مدخل دبي باركس اللي يوديكم المدن الثلاث



أول ماتدخلون ليغولاند راح تشوفون محلات وليغو فاكتوري يشرحونلكم شلون يسوون الليغو وبعدها ليغو ميني سيتي واهي عبارة عن مدينة دبي مصغرة من الليغو ومعالم بدول عربية مشهورة وتاج محل
video









الألعاب اللي تناسب اللي أعمارهم أقل من 4 سنين أغلبها من هالنوع



عندهم 3 عروض 1 منهم مسرحي و فلمين 4 دي

 










وايد استمتعنا في الملاهي صايرة مناطق مختلفة وكل منطقة لها ثيم. ,والمحلات حلوة فيها وايد ألعاب بس مافيها ملابس لعمر أقل من 3 سنين. وماعجبنا المطعم اللي تغدينا فيه اسمه Caesar's Pasta & Pizza Buffet واهو عبارة عن بوفيه بيتزا وباستا. ابدا مافيه تنويع بالسلطات والباستا نوع واحد بس! ليغولاند تفتح الساعة 11 وتسكر مبجر الساعة 7.

عقب ماخلصنا من ليغولاند رحنا بوكس بارك Box Park واهي منطقة مطاعم يديدة وفيها جم محل. قعدنا في غوسيب كافيه Gossip Cafe وجربنا الحلو كان عادي توقعته أحلى من كثر ما مدحوه وعنده فرع في أبوظبي.







شاشات باللمس تقدرون تدورون فيها المطعم اللي تبونه. ومثل ماتشوفون بالخريطة المكان كبير تقريبا 3 بلوكات





No comments:

Post a Comment