Tuesday, 3 January 2017

Dubai Trip:The Hamptons, IMG Worlds & Dubai Outlet Mall رحلة دبي: مطعم ذا هامبتونز، عالم آي ام جي، مجمع الآوتلت

ثاني يوم تريقنا في مطعم ذا هامبتونز The Hamptonsعندهم قعدة خارجية تطل على البحر بس لازم حجز لأن عدد الطاولات بره شوية وتقدرون تحجزون عن طريق الإيميل. وايد عجبنا الريوق عندهم.






المنظر من داخل المطعم



أشهر شي عندهم كرواسون الورد بصلصة التوت









بعدها رحنا مدينة ملاهي اي ام جي IMG Worlds وتعتبر أكبر ملاهي مسكرة (داخلية) في العالم. حجزنا التذاكر أونلاين بس الفاست تراك ماينباع أونلاين لازم من عندهم. تفتح الساعة 11 ووصلنا 11:45 فقلنا نجرب أول لعبة بدون فاست تراك والا زحمة ونطرنا اكثر من نص ساعة ورحنا شرينا فاست تراك عقبها. عندهم كرت وايد حلو اسمه parent swap مسوينه حق الأم والأبو اللي مايقدرون يركبون كلهم الملاهي مع بعض لأن معاهم ياهل فيضطر ان واحد يمسك الياهل والثاني يلعب بعدين يبدلون. هالكرت يخلي الأم او الأبو اللي ماركب اللعبة لأن ماسك الياهل يركبها فاست تراك حتى لو ماعنده. الملاهي فيها 4 أقسام: قسم مارفل وقسم كارتون نتورك وقسم ديناصورات وقسم بوليفارد فيه محلات بس. الألعاب تنفع الصغار من عمر 4 سنين وفي ألعاب حق الكبار بس. وايد استانسنا فيها محلاتها حلوة ومطعم البرغرMr. Smoothie فيها ممتاز.



لعبة ثور وسبايدرمان ماينفعون للصغار

مطعم توني ستارك (ايرون مان









وبالليل رحنا مجمع الآوتلت (القديم) Dubai Outlet Mall بصراحة عجبني مع ان وايد ناس ماعجبهم. اهو مافيه ماركات كبيرة غير بربري وكوتش ومحل اللقطة اللي فيه كارولينا هيريرا ومايكل كورس وتوري برتش بس فيه محلات وايد خاصة للأطفال مثل كافالي جونيور وكيدز بزل ومحلات للرياييل.

الاوتلت اليديد اسمه The Outlet Village وموكل محلاته فاتحة عشان جذي   مارحناله.



 










داخل مجمع الاوتلت فيه ألعاب تشكي تشيز المشهورة بأمريكا.





وتعشينا بمطعم تشكي تشيز عنده بيتزا أبدا ماعجبتني

No comments:

Post a Comment