Tuesday, 3 January 2017

Dubai Trip: Global Village رحلة دبي: القرية العالمية

آخر مرة رحت فيها دبي كانت قبل 14 سنة فخططت إني لما أروحلها أقعد هناك أكثر من أسبوع عشان أروح كل الأماكن اليديدة وللأسف كان في أماكن ودي أزورها وما مدانا الوقت.

أول ما وصلنا مطار دبي رحنا نستلم السيارة اللي أجرناها أونلاين من يوروبكار. في وايد شركات تأجير عالمية زينة منها Hertz, Europcar, Avis وغيرهم. طبعا كل سيارة يختلف أجارها حسب نوعها وحجمها وعندهم تأمين أساسي أو شامل وسعر التأمين يعتمد على نوع السيارة. نصيحة اخذوا سيارة كبيرة إدا معاكم أطفال عشان تكفي الكارسيت وجناطكم وعربانة الياهل.

اخترنا فندق ميديا روتانا (5 نجوم) في منطقة البرشاء في دبي بعيد عن المجمعات والزحمة. غرفه واسعة وزينة وخدمتهم جيدة بس شغلة وحدة ماعجبتني إن ماقدروا يوفرون لنا سرير بيبي لي ثاني يوم. اللوبي كان مزين بزينة الكريسماس لأنه موسم أعياد.





عقب ما استلمنا الغرفة وريحنا شوي رحنا القرية العالمية وحجزت تذاكرها أونلاين وعندهم تطبيق تقدرون تنزلونه على تلفوناتكم. المكان حلو وايد للتمشي وفيه بوثات مطاعم وايد من كل دول العالم بس البضايع اللي تنباع داخل ركن كل دولة مو كلها بضايع مصنعه بالدولة نفسها! مثلا دخلنا مصر وأفغانستان وباكستان ولبنان والإمارات وكانت البضايع من الدول نفسها أما بريطانيا وأمريكا وفرنسا وإيطاليا وألمانيا فالبضايع صينية وجودة عادية جدا كأنهم بوثات أرض المعارض بمشرف! غير البوثات والمطاعم في مدينة ملاهي بس ما لعبنا فيها لأن كانت وايد زحمة.










تعشينا في مطعم صدف الإيراني نعيد ذكريات الطفولة في دبي


استغربت ان الجرسونات مايعرفون لاعربي ولا انجليزي








No comments:

Post a Comment