Sunday, 4 August 2013

Bag Review: Stella McCartney Falabella bag رايي بجنطة ستيلا ماكارتني

اليوم بكتبلكم رايي بجنطة ستيلا ماكارتني موديل "فالابيلا" اللي وايد أحبها.
 





 
الجودة:
الجنطة تيي بموديلات جلد وقماش وشمواه وكلهم جودتهم عالية.
 
التصميم:
تصميمها مميز وهذا الديزاين الكلاسيك لستيلا ماكارتني فماراح يتغير مع مرور الوقت. الجنطة تنشال ب 3 طرق: بالإيد، عالكتف، وتتصفط وتنشال مثل كلاتش. فيها جيب واحد من داخل وسلسلتها تيي لونين ذهبي أو فضي. هالسنة لوي فويتون وآجنر نزلوا موديلات تتصفط وتشابه هالموديل.
 
الحجم واللون:
ايي منها 3 أحجام: صغير يكون على شكل كلاتش أو كلاتش مع سلسلة (راح أحط عنه بوست منفصل) وحجم وسط وحجم كبير. الألوان موسمية مافي لون معين كلاسيك. وفي منها طبعات حية (بايثون) وتنزل رسمات يدية كل موسم.
 
الاستعمال:
بما انها واسعة من داخل وتكفي أغراض وايد فاستعمالها حلو للدوام والسوق وللطلعات اللي تحتاجون فيها اغراض وايد. لما تتصفط وتشيلونها مثل كلاتش تصير حلوة للزوارات.
 
السعر:
الحجم الصغير سعره 250دك الوسط 270دك والكبير 290دك. حاليا عليهم تخفيضات بالأسطورة. في موديلات يكون سعرهم أغلى على حسب الجلد أو الطبعة مثلا جلد الحية سعرها 345دك. بشكل عام الجنطة سعرها وايد حلو وتصميمها أحلى. 
 
 


No comments:

Post a Comment