Tuesday, 6 August 2013

Bag Review: Rebecca Minkoff's M.A.C رايي بجنطة ربيكا مينكوف "ماك"

اليوم بكتبلكم رايي بجنطة ميني ماك من ربيكا مينكوف.
 













 
الجودة:
الجنطة جودتها عالية من ناحية الجلد والسلسلة والخياط نظيف. الجلد من النوع اللين فيتوسع اذا حطيتوا فيها أغراض وايد. لازم تحتفظون فيها بكيس قماش (دست باغ) بعد الاستعمال عشان لايتغير لون الجلد من الاحتكاك خاصة الألوان الفاتحة. وهالنوع من الجلد بسرعة تطبع عليه الألون فحاولوا ما يلامس الملابس اللي تطلع لون مثل الجينز وبعض أنواع العبي.
 
التصميم:
هذا التصميم من التصاميم الكلاسيك لريبيكا مينكوف مايتغير مع الوقت. وأعتبره أحلى تصميم لريبيكا لأن مميز عن باجي ديزايناتها. في تصاميم خاصة موسمية يكون فيها حركة بالجلد مثلا يكون مخرم.
 
الحجم واللون:
الجنطة تيي حجمين: وسط (Mini M.A.C) وكبير (M.A.C Clutch). ومن ناحية الألوان، كل موسم له ألوانه الخاصة وايي منها ألوان ميتاليك.
 
الاستعمال:
استعمالها بشكل عام للطلعات الكاجوال وللسفر. الحجم الوسط وايد حبيته لأنه مع هبة الجناط الكروس الصغار بس بنفس الوقت مو وايد صغيرة فتنفع للسفر وطلعات الشاليه. الحجم الأكبر حلو للي يدرسون بالجامعة مثلا ويحتاجون أغراض أكثر.
 
السعر:
الحجم الوسط سعرها حوالي 60دك والكبيرة 90دك. هالأسعار بأمريكا بس للأسف بالكويت سعرها أغلى. شريتها من موقع أمازون الأمريكي وبالكويت تلقونها عند هارفي نيكولز في الأفنيوز بس الألوان محدودة.


No comments:

Post a Comment