Tuesday, 27 August 2013

Bag Review: Louis Vuitton's W Bag رايي بجنطة دبليو من لوي فويتون

أدري طولت عليكم من آخر مرة كتبتلكم فيها رايي بجنطة. بس هالمرة كان في بالي أكتبلكم عن جنطة وايد مميزة توها نازلة عند لوي فويتون اسمها دبليو وتعتبر الهبة اليديدة.

 



 
الجنطة واهي مفتوحة

الجنطة واهي مسكرة



 الجودة:
جلدها من النوع الفاخر مو وايد لين فيظل شكل الجنطة ثابت ولوي فويتون معروفة بجودة جلودها بس لازم تعتنون فيه عشان ما يتشمخ.

التصميم:
من اسم الجنطة دبليو تصميمها (لما تكون مفتوحة) كحرف الدبليو. كبيرة وتكفي وايد أغراض وفيها سحابين من داخل. وفيها مثل حزام يتسكر وتصير ملمومة أكثر.

الحجم والألوان:
ايي منها حجمين وسط وكبير والألوان المتوفرة 5: طبعة المونوغرام الكلاسيكية مع أطراف بنية. بيج مع أطراف طبعة المونوغرام، بني،ولونين مميزين: أصفر، وعنابي.

الألوان المتوفرة في بوتيك الأفنيوز



الاستعمال:
الجنطة تعتبر عملية حلوة للدوام والطلعات ولما تتسكر يصير شكلها شوي أصغر فتكون حلو للزوارات بس مو للسهرة.

السعر:
أسعارهم تفرق على حسب الحجم واللون تبدا من 1170دك لي 1520دك.

No comments:

Post a Comment