Thursday, 1 August 2013

Bag Review: Louis Vuitton's Noe رايي بجنطة نوي من لوي فويتون

اليوم بقولكم رايي بجنطة نوي من لوي فويتون الحجم الوسط
 

 
 
 


 
 
 
 
 


 


 
 
 
الجودة:
للأسف ماعجبتني جودة هالجنطة. جلد الجنطة (البني) ممتاز ومايتوصخ بسرعة ويحافظ على لونه مع الوقت بس جلد العقدة (البيج) كان المفروض يسوون مصقول من ورا وجدام لأن مع الاستعمال (مع اني استعملتها استعمال خفيف جدا) يبدا يتقشر الجلد من ورا (لاحظو صورة العقدة). فقررت اني اعقدها مرة وحدة وما افتح العقدة بكل استعمال بس مرات احتاج احط فيها أغراض كبيرة فأحتاج افتحها كل مرة أبي أطلع منها الغرض. والجنطة لام تتخزن بشكل أفقي عشان لايتعفس الجلد.
 
التصميم:
تصميمها حلو ومميز ويعتبر من التصاميم الكلاسيك ورجعت بقوة سنة 2012
 
الحجم واللون:
ايي منها 3 أحجام صغير و وسط وكبير. أول ما نزلت كانت بالطبعتين الكلاسيكية بس الحين نزل منها كذا لون وكذا نوعية جلد.


 
 
الاستعمال:
الحجم الكبير والوسط حلو للدوام والطلعات اللي تحتاجون فيها وايد أغراض. والحجم الصغير حلو للطلعات والزوارات.
 
السعر:
الحجم الوسط شريتها من بوتيك لوي فويتون في باريس سنة 2007 وكان سعرها حوالي 280دك. حاليا الكلاسيك الحجم الصغير سعره حوالي 300دك والوسط حوالي 340دك والكبير حوالي360دك. أما الملونين سعرهم أغلى لأن جلدهم أفخم. الحجم الصغير حوالي 400دك والوسط حوالي 450دك والكبير حوالي 550دك. هالأسعار من بوتيك لندن.


No comments:

Post a Comment