Monday, 29 July 2013

Bag Review: Lady Dior رأيي في حقيبة ليدي ديور

اليوم بقولكم رايي بجنطة ليدي ديور الحجم الوسط
 
 







 
 


 

 
الجودة:
من أفضل الجناط اللي شريتها جودة جلدها سميك وصلب مما يخلي شكله ثابت ومايتصفط. من ناحية التنظيف الجلد اللماع وايد سهل تنظيفه وماينوصخ بسرعة مثل المطفي. واللي عجبني فيها الدبابيس اللي موجودين تحت الجنطة عشان ماتتوصخ من تحت.
 
التصميم:
تصميمها كلاسيكي ومايتغير مع السنين. من داخل فيها جيب واحد مع سحاب. عيبها الوحيد ان الجلد وايد صلب فيكون صعب تدخلون وتطلعون منها الأغراض اللي حجمها كبير.
 
الحجم واللون:
ايي منها 4 أحجام: صغير (ميني)، وسط، كبير، كبير جدا. بالفترة الأخيرة قل انتاج الحجم الكبير جدا وزاد انتاج الصغير.
من ناحية اللون تيي 3 ألوان كلاسيكية: أحمر، أسود، وبيج. وفي ألوان موسمية وللموسم الحالي في منها الوردي الفاتح والفوشيا والرمادي اللؤلؤي.
 
الاستعمال:
بما ان ايي معاها ستراب فيصير تنشال كروس أو عالكتف فتصوير كاجوال شيك وبدون الستراب تنفع للسهرة خاصة الحجم الصغير والميني. بس أبدا ما يناسبها ستايل الكاجوال سبورت
 
السعر: سعرها حوالي 1100دك للحجم الوسط والحجم الكبير حوالي 1200دك. أخذتها من سيلفريجيز وبالكويت نفس الأسعار. الموظفة في البوتيك بلغتني إن سعرها يزيد سنويا ما بين 50-100دك
 


2 comments:

  1. تتهنين فيها 😍
    انا من كم يوم شريت نفسها من بوتيك ديور الي ف قطر وسعرها 12000 ريال قطري يعني تقريباً الفرق بينهم الف او الفين ريال قطري ليش السعر اقل بديت اوسوس انها تقلييد :(
    والي شريتها سوده ونفس جلد شنطتج تلمع

    ReplyDelete
    Replies
    1. الله يهنيچ حبيبتي،
      حسبت الفرق بالدينار الكويتي يطلع ٥٠دك تقريبا اقل. انا ماعندي فكرة عن الأسعار في قطر بس هالسعر طبيعي ألقاه في دبي مثلا لأن دبي ماتاخذ ضرايب على السلع مثل أوروبا. اذا كان الفرق اكثر من ١٠٠دك كنت راح اشك بالموضوع. بس اذا شاريتها من البوتيك أو من ساكس ما احاتي. والأسعار تزيد سنويا فإذا كنتي شاريتها قبل سنة راح يفرق السعر.

      Delete