Sunday, 28 July 2013

Bag Review: Chanel Classic Shopper رأيي بحقيبة الشانيل

كل يوم راح أحطلكم رايي بجنطة من الجناط وراح أبدا بجنطة الشانيل الكلاسيك شوبر.
 





 



 
 
 
الجودة:
الجلد والسلسلة جودتهم عالية والجلد (نوع الكافيار) سهل التنظيف. لازم تحطون قراطيس داخلها عشان لا ينخفس الجلد مثل ما صار معاي.
 
التصميم:
 شكلها يختلف عن الجناط الشوبر اللي عادة تكون مستطيلة. هالتصميم كلاسيك عند شانيل وبالفترة الأخيرة نزلوا منه مستطيل (بالطول).
 
الحجم واللون:
حجمها وسط بالنسبة للجناط الشوبر. فيها كذا جيب 3 من داخل وواحد بره وفيها سحاب من داخل. اللون الأسود اهو الكلاسيك وفي منها أبيض وأحمر وتنزل منها ألوان موسمية.
 
الاستعمال:
بما إنها شوبر فاستعمالها مناسب للدوام والسوق واللون الأسود يعطيها فخامة فتقدرون تستعملونها للزوارات.
 
السعر:
بما انها شانيل فسعرها غالي مقارنة بباجي الماركات بس هالموديل وايد أرخص من موديل جنطة الشانيل الكلاسيك فلاب شريتها سنة 2009 من هارودز بحوالي 700دك واللي أعرفه ان مازاد سعرها.


1 comment:

  1. شفتها قبل فترة بالصالحية سعرها صار بحدود ١٢٠٠ او اقل شوية
    وايد حلوة عليج بالعافية

    ReplyDelete