Wednesday, 31 July 2013

Bag Review: Bottega Veneta رايي بجنطة بوتيغا فينيتاا

اليوم بقولكم رايي بجنطة بوتيغا فينيتا من أكثر الجناط اللي أحبها (بعد الديور طبعا).
 









 
 
الجودة:
الفنيشنغ وايد مرتب ونظيف خاصة إن الجلد طريقة على شكل حياكة بس كل قطعة مسوينها بعناية. الصبغة وايد حلوة بس يبيلها عناية. لازم تنحط في كيسها بعد كل استعمال ولازم ماتحوشها سوائل خاصة العطور عشان لايتغير لونها.
 
 
التصميم:
تصميمها رائع ومميز وهالتصميم يعتبر من الموديلات الكلاسيك اللي ماراح يتغير مع الوقت. فيها جيبين من داخل واحد بالطول ينفع للأقلام أو الموبايلات الضعيفة والثاني بسحاب. وايي معاها مراية بنفس لون الجلد.
 
الحجم واللون:
ايي منها 3 أحجام الوسط والكبير (اللي بالصورة) والماكسي. والألوان كل موسم ينزلون ألوان يديدة وفي ألوان كلاسيك تكون موجودة على طول مثل الأسود والبني.
 
الاستعمال:
وايد عملية وتكفي وايد أغراض. تنفع للدوام والطلعات والزوارات بس مو للسهرة.
 
السعر:
 سعرها بحدود 800دك 



New at MANGO Stores جديد مانغو



















Tuesday, 30 July 2013

Bag Review: Ralph Lauren Soft Ricky رايي بجنطة رالف لورين ريكي (اللينة)

اليوم راح نتكلم عن جنطة ريكي (اللينة) من رالف لورين. وانا ركزت على كلمة لينة لأن ايي منها جلد صلب (يابس) وجلد تمساح وحية وأسعارهم تكون مختلفة تماما!
 






 
 
 
الجودة:
الفينيشنغ وايد مرتب وجلدها حلو. العيب الوحيد بالجلد ان يتعفس اذا ماحطينا داخل الجنطة قراطيس
 
التصميم:
هالتصميم يعتبر الموديل الكلاسيك لرالف لورين ومايتغير مع السنين. انا شخصيا وايد احب هالدزاين وأفضله على البيركن (اللي يشبهونها فيها) لأن مميز وماتشوفون منه وايد ومافيه منه تقليد.
 
الحجم واللون:
الموديل اللين ايي منه حجم واحد اعتبره وسط وفي موديل ميني بعده مانزل بالأسواق. والألوان الموجودة أغلبها صيفية فاقعه
 



 
 الاستعمال:
عملية جدا وايد وتكفي أغراض وايد فحلو تستعملونها للدوام والطلعات. بس للأسف من داخل بس فيها جيب واحد
 
السعر:
سعرها 805دك في الكويت. تحصلونها في بوتيك رالف لورين في الأفنيوز. بره الكويت تلقونها شوي أرخص. وايد ناس يعتبرون سعرها غالي ويقولون ان رالف لورين مو مشهور بالجناط. بس انا أخالفهم الراي لأن هالموديل صار له سنين موجود بس لأن بوتيكات رالف لورين اللي تحتوي كولكشن بلاك ليبل ماكانت منتشرة وايد فالناس ماعرفوها.



Monday, 29 July 2013

Bag Review: Lady Dior رأيي في حقيبة ليدي ديور

اليوم بقولكم رايي بجنطة ليدي ديور الحجم الوسط
 
 







 
 


 

 
الجودة:
من أفضل الجناط اللي شريتها جودة جلدها سميك وصلب مما يخلي شكله ثابت ومايتصفط. من ناحية التنظيف الجلد اللماع وايد سهل تنظيفه وماينوصخ بسرعة مثل المطفي. واللي عجبني فيها الدبابيس اللي موجودين تحت الجنطة عشان ماتتوصخ من تحت.
 
التصميم:
تصميمها كلاسيكي ومايتغير مع السنين. من داخل فيها جيب واحد مع سحاب. عيبها الوحيد ان الجلد وايد صلب فيكون صعب تدخلون وتطلعون منها الأغراض اللي حجمها كبير.
 
الحجم واللون:
ايي منها 4 أحجام: صغير (ميني)، وسط، كبير، كبير جدا. بالفترة الأخيرة قل انتاج الحجم الكبير جدا وزاد انتاج الصغير.
من ناحية اللون تيي 3 ألوان كلاسيكية: أحمر، أسود، وبيج. وفي ألوان موسمية وللموسم الحالي في منها الوردي الفاتح والفوشيا والرمادي اللؤلؤي.
 
الاستعمال:
بما ان ايي معاها ستراب فيصير تنشال كروس أو عالكتف فتصوير كاجوال شيك وبدون الستراب تنفع للسهرة خاصة الحجم الصغير والميني. بس أبدا ما يناسبها ستايل الكاجوال سبورت
 
السعر: سعرها حوالي 1100دك للحجم الوسط والحجم الكبير حوالي 1200دك. أخذتها من سيلفريجيز وبالكويت نفس الأسعار. الموظفة في البوتيك بلغتني إن سعرها يزيد سنويا ما بين 50-100دك