Friday, 13 January 2017

Abu Dhabi Trip: Yas Mall, Sheikh Zayed Mosque & Um AlEmarat Park رحلة أبوظبي: ياس مول، مسجد الشيخ زايد، حديقة أم الإمارات

رحلة أبوظبي كانت ليومين بس. كنا حاجزين البرزدنشال سويت بفندق حياة كابيتال غيت Hyatt Capital Gate ويعتبر مبنى الفندق أكثر مبنى مايل في العالم (أكثر من برج بيزا المائل). الفندق روعة! مكانه بمنطقة المؤتمرات قريب من مسجد الشيخ الزايد.


















الفيو





منظر غروب شمس آخر يوم ب2016



عقب ماريحنا رحنا ياس مول من أشهر مجمعات أبوظبي. بالمجمع عندهم محل هاوس أوف فريزر البريطاني ومحل هامليز للألعاب ومحل ياس للعطور.


مدخل ملاهي عالم فراري Ferrari World


 محل ياس للعطور. جربوا عنده خلطة الملك سلمان وخلطة الشيخ خليفة
 

.آخر عطر نزل عندهم وايد عجيب. حتى بخورهم روعة









مطعم الفنر للمأكولات الإماراتية







الأكل لذيذ كأنه طباخ بيت مودسم بس الكمية وايد كبيرة الطبق الواحد يكفي شخصين


 كافيه لقينا عنده بربل فيلفيت!





ثاني يوم زرنا مسجد الشيخ زايد. المسجد مسوينه من الرخام الأبيض فوايد شرح. وداخله أكبر ثريا في العالم.












 عقبها قررنا نتغدا في مطعم سولت (نفس اللي موجود في دبي). ومكانه في حديقة أم الإمارات. البرجر وااايد لذيذ بس عيبه ان مافيه خس وطماط بس مخلل!








كنا متفقين نروح فراري وورلد أو مجمع غاليريا اليديد بجزيرة المارية عقب الغدا بس شوقتنا الحديقة كانت وايد مرتبة فدخلناها.












الحديقة فيها مطعم باركرز (نفس اللي في دبي مول حتى سويتش موجود في أبوظبي وكلهم تابعين لنفس الشركة) وبمناسبة أول يوم بالسنة اليديدة خلونا نقعد بدون لاندور المفتاح. الفرع هذا مؤقت بالشتا بس وراح يفتح واحد ثاني داخل الحديقة بشكل دائم





 


مجمع غاليريا GalleriaMall في جزيرة الماريه

المجمع فيه مالركات كبيرة مثل كارتييه وفان كليف وراح يفتح فيه بلومينغديلز وميسيز
وخلصت رحلتنا..